AMOS STUDIO PHOTO JOURNAL

October 18-2, 2018 Adventist Youth Convention Kolasib-a nghahah thianpaTPA nen kan kal ve a. Sabbath tlaiah thianpa TPA tel lovin, (Ani hi Police Zara nen Tumpui-ah an leng a) Khuangpuilam tlangah kan leng a. Hemi tum hi chuan Thianpa Zamlova hovin thianpa Vena te nen kan kal a. Khuangpuilam atang chuan Kolasib tlang thlir tuma chhuak kan ni naa, Khuangpuilam pen thlen hma lawkah traffic jam-ah kan tan avangin duh aia tlaiah kan thleng chho va. Kan thlen meuh chuan ni a tla tawhin, khua thim deuh chhulh tawh a. Inkhawmna Hall-ah ka tripod hnutchhiah a ngaih si avangin remchang behchhanin thla ka la ta. Kan la ngai dawn em mai a, ka han dah ve reng reng ang e.

April 15, 2017 2:47 PM Hmuifang Lalthanhawla Park April 16, 2017 10:15 AM Hmuifang Lalthanhawla Park AYM Seventh-day Tlang, Aizawl General Camp neih tuma lak a ni e.

Thlâm 3:39PM Bêkte 3:40PM Buh hmun 3:42PM August 1, 2017 naupang exam chawlh lai a ni a. Tlai dar 3:00 velah MZU ram mawnga Mizo Lo en turin Pu Chhuanmawia nen kan kal a. Buh te chu a lo lian tawhin mihring chen dawn dawna sang te a lo ni tawh a. A karah chuan hmarcha te, fanghma te, samtawk leh bawkbawn kung te leh Mizo thlai chi hrang hrang a awm bawk a. Thingtluluanga thlai zam chi an zam te chu a mawi hle. Kan kalnaah hian buh chi hnih an ching a, buhpui lo zawk chu a vui tan a, buhpui erawh khup chen vel lek lek a la ni hlawm.

Hrangkhawl Khua, Tripura 1-Apr-2017 5:15 PM Sabbath ni a ni a, Ampinagar, Tripura-ah kan inkhawm a. Mizo Conference of SDA Executive Secretary Pu Lalnilawma Colney hnung zuiin Pu Lalngaihawma Colney te, Pu Zothanzuala te leh Pi Zirkungi te nen kan kal a. Kan inkhawm banah, Biak in repair ngaite en turin, Hrangkhawl khuaah kan kual a. Kan kalna tur tak hi thui vak lo kea kal ngai a ni a. Kea kan kal kawngah chuan sangha dil a awm thluah a. Chutih lai chuan khaw thlang lamah ni a liam tep a. Sangha dila kuhva kung thla langte leh ni tla turin chhum a chhun sen phut-te chu a mawi hle.

RTP Picnic Spot March 22, 2017 (11:15AM) Conference staff picnic RTP Picnic Spot-ah neih a ni a, chhungkuain kan kal ve a. Pu Ema te chhungin an car-in min phur a, kan vannei hle mai. A kalkawng erawh a mam lovin, a chhuk chho hle thung. A hmun zu thlen chuan a lo nuam em em a. Naupangte pawhin nuam an hle a ni.

Sihhmui kai lei thlang lawk Tlawng lui March 3, 2017 4:03 PM March 3-5, 2017 khan Seventh-day Tlang Naupang General Camp-in Tlawng luiah kan riak a. Kan chhak lawkah chuan Sihhmui kai Lei chu a lang thei a. Kan riakna atanga lui hnar lam thlir chuan tui dam hle a. Kan awmna lai vel tak chu thuk lem lo mah se suar hmun a ni. Amosa nen bawk hemi tum hian kan kal ve leh a. Ani pawhin tuia chen vel chu nuam a ti hle.

Tuirini 22-Jan-2017 9:31AM 22-Jan-2017 9:20AM  Zing 3:40-ah Tuirini kal turin ka tho va. Chaw leh chawhmeh pai tur ka chhum hmin meuh chuan dar 4:00 a pel hret tawh a. Chawnpui peng Conf workshop-ah Pu Chhuanmawia ka lo nghak a. Tuirini-ah hian kan zu leng ta mai mai a. A nuam kan ti khawp mai.