HANGILUNGLEN TLANG

Hangilunglen Tlang
16-February-2020 (Sunday Zing)

Kan thianzahovin

Hangilunglen Tlang kham chung
Cycle indawt dan veilam atangin - Kei, Rema, TPA leh Makuka
16-February-2020

ATC Ad. Building kawtah

K. Chhawnthuama nupui memorial
 (Hei hi engtia sawi tur chiah nge ka hre lo)

February 16, 2020 Sunday zing-ah Cycle khalh turin kan thianzahovin kan chhuak a. Chumi zinga kalte chu - Cycle rem dan indawtin (Veilam atanga dinglam) Kei, Miller, TPA leh Makuka te kan ni. Hunthar lamah chhukin Bawngkawnah kan chhuak chhova. Bawngkawn atangin Zuangtui lamah phei zelin, Zuangtui atangin Durtlang lam panin Hangilunglen Tlang an tih hi kan pan chho ta a. Hangilunglen Tlang kan panna kawngah hian keini TPA nen chuan a hnungah thlan tla hluamin kan chho ve a, keini aia thirsakawr lo rap nasa tawh zawk leh, thiamthil ngah zawk Makuka leh Miller (Rema an tih bawk chu) te chuan duh hun hunah min tlansan thei reng a. Ka muanchan pui ka thianpa chuan a hma zana a chawhmeh ei chhuanlam tur a nei tha bawk a. Lo tlanmuang pawh ni se a thiamawm hliah hliah mai.

Rap ve ta zel chu a hmun chu kan thleng chho ve ta mai a. Han thlen chhoh takah chuan a nuam ti ti chu kan ni leh lawi a. Kham bakbarek-ah te chuan a huai ber ni-awm takin kan va chuangkai vel a, thiante puihnain kan thirsakawr te chu kan chawi thla a, thla kan lakpui te vel a ni.

Kan vaia lak kan duh si a, kawnga naupang lo kal chu TPA chuan hlawh neiin thla la turin a ruai nghe nghe.

Kan kal zel a, ATC compound-ah kan innawr chho a. Ad. Building kawta duh tawka kan hahchawlh hnu chuan kan tlan leh ta a. Ril a lo tam ta bawk nen. Durtlang Presbyterian Hospital canteen-a ei tur ngaihtuah ran chungin kan inkhalh a. Hospital canteen-ah chuan sap chhang donut ngei kan han ei a. KV lama kal kal rawt chawp a, kan kal leh a. Kawng danga haw theih a nih takin tiin kawng te tak teah kan kal chhin a, tuikhur kawng a lo ni a. Pa pakhat hian chu tuikhurah chuan a nupui pawnfen (niawm tak) hi a lo su a. Haw lamah chuan Makuka'n (ni tain ka hria) nupui pawnfen su han hmuh chu - thla a timuang hle mai (a ti tain ka hria.. a tawngkam chiah ka chiang ta lo).

Chumi hnuah in lam panin kan haw leh ta a ni.