GOVT. COMPLEX LAM RIDE

High Court langin

High Court compound 

Govt. Complex Kawnthlang mi dawr kawt

TPA - High Court langin 

TPA  - High Court Complex chhunga Bung bulah

Kum 2020 February thlaa kan ride hnuhnung ber. TPA bazar ka nghak a, a lo haw mek laiin Millennium Centre-a kal ka ngai tih ka hre chhuak a. Ka kal min nghak ve leh. Dar 4 leh a chanve velah kan inkhalh chhuak hram. Kanan vengah kan chhuk a. Chawnpui veng hnuaia kan tlan laiin ka phone a lo ri a, ka biak laiin naupang pahnih kum 4/5 rual lek hi an lo kal a, ka gear an lo thlak zawt zawt a, an nghal angreng. Govt. Complex lamah kan inzui thla. Kan zu thleng mi dawr kawta kan thut laiin Gorkhali naupang (ni ngeia lang) pathum hi kan bulah an lo kal a, "Pu kan lo khalh ve chhin," an rawn ti. "Khalh rawh u," ka lo ti mai a; mahse, an lo khalh thei meuh lo! An insu lek lek. An zinga lian ber chu ka zu umtir a. Ka cycle chu a rawn nawr chho. Ka lâksak, "Kei chu vawi khat mah ka khalh ve miah lo!" a ti nang nang a. Khalhtir ve loh mai ka thlang ta zawk a. A khalhtu hmasa ber chuan khalh leh min la dil chhen a. TPA chuan, "Naktukah kan lo kal leh dawn alawm" a ti a. An lungawi thei ta. Naktuk tun ang hunah chuan min hmuh ngei an beisei maithei.

"High Court hel ang aw" kan tia, kan hel dawn lai chuan main gate bula kan tlan laiin tlan chhoh a châk ngang mai a. Kei chu ka lo luh chhoh tawh avangin kal lo mah ila pawi ka ti lem lo a. A bula mi lo awmte hnenah chuan luh an phal leh phal loh a zawt a. "Luh an phal," an lo tih hnuah phei chuan min zui tha duh tawh lo hial a. "Kual phawt ila kan lut dawn nia," ka tih hnuah chuan ka hnungah min rawn zui ve ta hram a.

Kan han lut chu thla lakna tur hmun kan hmu hnem ngang mai.

Duh tawk kan lak hnu chuan Chhangurkawn lam atangin kan lo haw leh ta a.

A nuam ve mai mai hle.