Posts

HMANAH KAN NAUPAN LAIIN

Image
Thenzawl AO Quarters thin (Thla lak ni: August 1, 2019, 5:16AM) Kan naupan laiin he inah hian Thenzawl AO te an cheng thin a. An fapa Lallawmpara nen kan inkawm ve thin avangin ka leng lut ve fo thin. Chutih lai (kum 1980s chawhnu lamah) chuan kan khuaah AO an lal ber a. An ina len chu nuam ve thei tak a ni. An chokaah chuan vur siamna bawm te an nei a. An vur siamna bawm chungah chuan thei leh chawhmeh her sawmna khawl a awm bawk a. Vur siamna leh thil her sawmna khawl kha a inzawm emaw ka ti char char. Ka thianpa nen chuan vur te kan ei thin a, an tui vawt te pawh kan in thin. Vawi khat chu vur siamna bawma vur bet chu kan liak a, kan lei a tang a, kan buai dun hle. Rin aiin a lo nghet duh. Lawmpara nuin thil ei tur min pekte kha a va han tui thei tak. An ina kan kal chang hian 'Tape' kan ngaithla thin a. Lalnunmawia (Valtea) hla "Di Thangpui, ka ngai em che fam zun leng ngai iang rengin luaithli nulin ka au ruai che," tih lai kha kan hriat ang angin kan z...
Post a Comment
Read more

Pinehill Principal Qtrs Champhaiah

Image
Pinehill Principal Quarters Kum 1996 daih tawh kha a ni. Khami kum khan fa lo nei ta ila chu kum 24 a lo ni ve tawh ang a, khami kuma ka kum zat angah khan ka fa chuan fa lo nei ve phei se chu tu mawng ka beng tawh dawn tihna a nih chu. "Lehkha zir hi ka eizawnna tur a ni lo a niang, motor khalh mai ka duh, a nih loh pawhin tape chhe siam zir ila," tia ka pa hnena ka dil hnuah ka pain, "Champhaiah Kapzauva te nupa an awm a, han kal ve teh, zirtir an thiam a nia," a tih takah chuan January thla tir khaw vawh vanglai takin Aizawl Zarkawt atangin Ahimsa night bus-ah chuangin Champhai chu ka pan chho ve leh ta kha a ni a. Champhai kan thlen chhohvin a la hma lutuk a Chhungte veng thlen chhoh hma deuhvah khua kan nghak tlaivar a, khawvar hlimah khua kan lut chho ta kha a ni a. Taxi lain Pinehill lam ka pan nghal a. Phai zawl atangin ka mutbu leh thawmhnaw ka pu chho va. Thlasik dai huh avang chuan Pinehill tlang panna kawng chu a berh angreng hle a...
Post a Comment
Read more

GOVT. COMPLEX LAM RIDE

Image
High Court langin High Court compound  Govt. Complex Kawnthlang mi dawr kawt TPA - High Court langin  TPA  - High Court Complex chhunga Bung bulah Kum 2020 February thlaa kan ride hnuhnung ber. TPA bazar ka nghak a, a lo haw mek laiin Millennium Centre-a kal ka ngai tih ka hre chhuak a. Ka kal min nghak ve leh. Dar 4 leh a chanve velah kan inkhalh chhuak hram. Kanan vengah kan chhuk a. Chawnpui veng hnuaia kan tlan laiin ka phone a lo ri a, ka biak laiin naupang pahnih kum 4/5 rual lek hi an lo kal a, ka gear an lo thlak zawt zawt a, an nghal angreng. Govt. Complex lamah kan inzui thla. Kan zu thleng mi dawr kawta kan thut laiin Gorkhali naupang (ni ngeia lang) pathum hi kan bulah an lo kal a, "Pu kan lo khalh ve chhin," an rawn ti. "Khalh rawh u," ka lo ti mai a; mahse, an lo khalh thei meuh lo! An insu lek lek. An zinga lian ber chu ka zu umtir a. Ka cycle chu a rawn nawr chho. Ka lâksak, "Kei chu vawi khat mah ka khalh ve miah lo!...
Post a Comment
Read more

HANGILUNGLEN TLANG

Image
Hangilunglen Tlang 16-February-2020 (Sunday Zing) Kan thianzahovin Hangilunglen Tlang kham chung Cycle indawt dan veilam atangin - Kei, Rema, TPA leh Makuka 16-February-2020 ATC Ad. Building kawtah K. Chhawnthuama nupui memorial  (Hei hi engtia sawi tur chiah nge ka hre lo) February 16, 2020 Sunday zing-ah Cycle khalh turin kan thianzahovin kan chhuak a. Chumi zinga kalte chu - Cycle rem dan indawtin (Veilam atanga dinglam) Kei, Miller, TPA leh Makuka te kan ni. Hunthar lamah chhukin Bawngkawnah kan chhuak chhova. Bawngkawn atangin Zuangtui lamah phei zelin, Zuangtui atangin Durtlang lam panin Hangilunglen Tlang an tih hi kan pan chho ta a. Hangilunglen Tlang kan panna kawngah hian keini TPA nen chuan a hnungah thlan tla hluamin kan chho ve a, keini aia thirsakawr lo rap nasa tawh zawk leh, thiamthil ngah zawk Makuka leh Miller (Rema an tih bawk chu) te chuan duh hun hunah min tlansan thei reng a. Ka muanchan pui ka thianpa chuan a hma zana a chaw...
Post a Comment
Read more

Aizawl

Image
Aizawl Falkland atangin November 14, 2018 (5:58AM) Tum lawk em em lovin, Falkland lam panin zingah ka tlan phei a. Chaltlang ka tlan lai chuan ni chhuak a mawi tawh hle. Falkland lam panin ka tlan zel a. Helai hmunah hian hmanah ka kal tawh a. A mawi ngaiin a la mawi reng. Ni dangah kalna tur ka la hual. Amosa ka sawm a, zing thawh a peih vak thin lo va.
Post a Comment
Read more

KOLASIB

Image
October 18-2, 2018 Adventist Youth Convention Kolasib-a nghahah thianpaTPA nen kan kal ve a. Sabbath tlaiah thianpa TPA tel lovin, (Ani hi Police Zara nen Tumpui-ah an leng a) Khuangpuilam tlangah kan leng a. Hemi tum hi chuan Thianpa Zamlova hovin thianpa Vena te nen kan kal a. Khuangpuilam atang chuan Kolasib tlang thlir tuma chhuak kan ni naa, Khuangpuilam pen thlen hma lawkah traffic jam-ah kan tan avangin duh aia tlaiah kan thleng chho va. Kan thlen meuh chuan ni a tla tawhin, khua thim deuh chhulh tawh a. Inkhawmna Hall-ah ka tripod hnutchhiah a ngaih si avangin remchang behchhanin thla ka la ta. Kan la ngai dawn em mai a, ka han dah ve reng reng ang e.
Post a Comment
Read more

Hmuifang Park

Image
April 15, 2017 2:47 PM Hmuifang Lalthanhawla Park April 16, 2017 10:15 AM Hmuifang Lalthanhawla Park AYM Seventh-day Tlang, Aizawl General Camp neih tuma lak a ni e.
Post a Comment
Read more